Office ke cabin mein shaam ke saaye gehre ho rahe the. Devrath apni kursi par sir pakad kar baitha tha. Woh deal jiske liye usne mahino mehnat ki thi, achanak ek chhoti si galti ki wajah se cancel ho gayi thi. Devrath ke liye ye sirf ek business loss nahi tha, balki uske garoor par ek chot thi.

Zoya uske kandhon par apne invisible hath pher rahi thi, magar Devrath ne halka sa piche hat kar kaha, "Zoya aaj nahi. Main bahut pareshan hoon. Kabhi kabhi mujhe lagta hai ki tumhare is saaye ne mujhe meri duniya se kaat diya hai. Tumhe mere gharwalon par, mere kaam par thoda toh bharosa karna chahiye. Woh log dushman nahi hain mere."