Party se wapsi ka raasta bilkul khamosh tha. Gaadi ke andar ka sannata Zoya ke dil ki dhadkano se zyada bhari lag raha tha. Aryan sheeshe se bahar dekh raha tha, uske chehre par ab wahi purani sakhti wapas aa chuki thi jo balcony par kuch der ke liye pighal gayi thi.

Penthouse pahunchte hi Aryan ne apna coat utara aur usey sofa par phenk diya. Zoya chupchaap apne kamre ki taraf badhne lagi, magar Aryan ki awaaz ne usey rok liya.