Sharda Mami ke jaane ke baad ghar ka mahaul thoda aaramdeh hua tha, lekin Savita Devi ke niyam abhi bhi wahi the. Subah ki chai ke waqt unhone table par ek lamba parcha rakha jisme ghar ke rashan aur aane wale tyohar ke saaman ki list thi.

"Dev ko aaj dukan par zaroori kaam hai, isliye Ramesh ji ke sath Meera bazaar jayegi. Saaman dhang se dekh kar lana aur hisab ka ek ek paisa pachaas baar ginn lena, bazaar me log bahuon ko jaldi bekoof bana dete hain," Savita Devi ne chai ka ghoot lete hue kaha.